Qazaxıstanın Rusiyadakı səfirliyi həmvətənlərini mövcud təhlükəsizlik təhdidləri ilə əlaqədar Ukrayna ilə həmsərhəd olan Rusiya bölgələrinə getməməyə çağırıb.

Müvafiq məlumat diplomatik nümayəndəliyin saytında yerləşdirilib.

Diplomatlar Rusiyada, ilk növbədə Ukrayna ilə həmsərhəd bölgələrdə olan həmvətənlərindən Qazaxıstanın Moskvadakı səfirliyində konsulluq qeydiyyatına düşmələrini xahiş edirlər.

Səfirlik bildirib ki, fors-major hallar baş verdikdə Qazaxıstan vətəndaşlarına bütün lazımi yardım və dəstək göstəriləcək.